publicité

E tekeni ete tu'i fakamaau lahi o Niu Kaletonia James Juan te tu'i fakamaau o Uvea mo Futuna Atonia Tamole

Nee folau gaue mai te tu'i fakamaau lahi o Niu Kaletonia James Juan ki uvea nei nee tau mai ite monite aho 9 o oketopeli. Nee ha'u tafito James Juan o tekeni te tu'i fakamaau o Uvea mo Futuna Atonia Tamole ite valoki o tana gaue ehe loea mai Niumea. 

  • Par Fatima Maniulua
  • Publié le , mis à jour le
Nee folau gaue mai te tu'i fakamaau o Niu Kaletonia James Juan o aho tolu i Uvea nei. Nee tau mai ite monite aho 09 o oketopeli ko tana folau gaue mai ite valoki ite mahina kua hili ote gaue ate tu'i fakamaau o Uvea mo Futuna ia Atonia Tamole ehe loea mai Niu Kaletonia ite fakamaau me'a ohe tagata nee na faka'i he ki'i fanau o mate ite ta'u kua hili 2016. 

"Hoki faka mo'oni mai ete pelesita ote lepupilika peau tui kote tu'i fakamaau ote pule'aga" 
Kote palalau aeni nee fai ete loea nee na haofaki te tagata uvea nee fakamaau'i tu'a lua ite aho 28 o sepetepeli i Niumea. 
O mulii ete fakamaau'aga te'u tala ate avoka ena'ui ai mole he'eki fakamo'oni fakapule'aga te hino'i o Atonia Tamole kite gaue pea molehi ai ete telepinale te'u me'a nee faka mo'oni ete fafine. 
Kohe tonu e faka fehagai kiai te tu'i fakamaau lahi James Juan nee fai ai tana tagi o faka hala'i ite tumutumu ote faitotonu ona tala e faka mo'oni e tonu mo lelei te tonu'aga faka pule'aga ne'e faka'aoga ete faitotonu kite hino'i o Atonia Tamole kite gaue ote procureur talu ta'u e 20 tupu. 
Koni tonu'aga e faka mo'oni ete kupu lao ote ta'u 1958 e hu'u tafito mote uhiga ote'u tu'i fakamaau fuli o Falani mo tatou e tou to mama'o. E kau ai te lao ne'e faka fo'ou ite 2005 o uhiga mote telepinale o Kaletonia o fakakau kiai mote fakamaau'aga o Uvea mo Futuna. 
Ite numelo 4 o tona uluaki kupu, e palalau ai kite uhiga ote tu'i fakamaau faka pule'aga kote procureur e iai tona fetogi. 
Aho nei e hoko atu te gaue a Atonia Tamole ite telepinale o Mata'Utu ka mole kei na faka mo'oni te'u fekumi e fai. Kia fakamaau me'a e lolotoga nei, kote tu'i fakamaau faka pule'aga nee hino'i ke ha'u mai Niumea aeni eina fakahoko mo fakatalitali atu kite to mai ote tonu ate tumutumu ote lao. 
Pea nee fakaafe mai te tu'i fakamaau lahi o Niu Kaletonia ia James Juan kite talalogo ote felia tolu aho 10 o oketopeli ki tana folau gaue mai aeni. E fakaliliu atu tana palalau e Soane Vakalepu. 

Fakanounou ote palalau ate tu'i fakamaau lahi o Niu Kaletonia



Sur le même thème

ECOUTER    VOIR    S'INFORMER   Partout et à tout moment
Mobile devices
Téléchargez l'application La 1ère
  • AppStore
  • Google Play