publicité

Kote fua ote folau gaue ate pelesita ote fale fono fakatelituale ki Falani

Ne'e tau mai ite monite aho 09 o oketopeli te folau gaue ate pelesita ote fale fono fakatelituale David Vergé mai Falani. Ne'e alu mo pelesita komisio e 2 o ave te'u tohi ague ote telituale. 

  • Par Fatima Maniulua
  • Publié le
Ne'e tau mai ite monite aho 09 o oketopeli te folau gaue ate pelesita ote fale fono fakatelituale David Vergé mai Falani. Ne'e alu moni pelesita o komisio e lua ote fale fono, Soane Paulo Mailagi ote komisio ote'u pa'aga pea mo Atoloto Kolokilagi ote komisio ote'u me'a fakasosiale. 
Ne'e natou olo ki falani o ave te'u tohi gaue ma'uhiga ote telituale, kau ai la te fale mahaki o Uvea mo Futuna, te tohi gaue laga fenua, te hiki totogi ote kau gaue ote telituale totogi malalo pea mote fakafofoga o Uvea mo Futuna ite'u felogoi ate'u fenua ote Pasifika. 
Ne'e fakaafe mai te pelesita David Vergé ite talalogo fakafalani ote felia fa aho 11 o oketopeli, Soane Paulo Mailagi ite talalogo ote lea faka'uvea. Ne'e na omai o palalau kite fua otanatou folau gaue aeni ki Falani. 

Jean Paul Mailagi pelesita ote komisio ote'u pa'aga ote fale fono

 

Sur le même thème

ECOUTER    VOIR    S'INFORMER   Partout et à tout moment
Mobile devices
Téléchargez l'application La 1ère
  • AppStore
  • Google Play