FONNKÈR : "Inn ti briz" de Marika

Réunion la 1ère •

INN TI BRIZ

Dann lèr fré gran matin
Inn briz karès mon rin
Mi san dann kre mon do
Out lamour  an kado

Dann fredisman mon kér
Ou la mét la shalèr
Dann fénwar mon féklèr
Ou la mét la limyèr

Mon boush lé fine uzé
Aforstan anbrasé
A mwin mèm ton lémé
Ton zarlor ton gaté

Tété fine pandiyé
Le rin lé pi sintré
Figir in pe krazé
Ou yinm a mwa malgré

Yiér, éstèr ek domin
Ansanm min dann la min
Ansanm dann mèm somin
Ou anmèn a mwin lwin

Dann lèr fré gran matin
Inn ti briz  karès mon rin
Ou lé la koté mwin
Ou lé la koté mwin
 
À la une
Voir plus d'info
Thématiques associées