FONNKÈR : "La mèr mon bout la tèr" par Jacques Annette. Texte de Gilberte Rougemont

LA MÈR MON BOUT LA TÈR      

Opé ! Solèy la toush la mèr

Done lélan mon kanot !                               

Zapa na tout koulèr

La line, par trwa plote.

A swar, la briz  i dor

Piké trasé la rame

Dann milyé komm dann bor

Pwason lé la Madame.

Ziska dèrnyé zétwal

Tank frisonn lo i bouz

Ma digdig pèsh kaval

Ti zone konm ti rouz.

Mimose, kilé marmit ?

Kari dimansh y vyin

Mi san konm si zourit

Va rès kolé si l' zin !  

Lékim la mèr i shas

A fors mon zyé i plèr.

Mon kabay i ramas

Tout koulèr, tout lodèr.

Mé , sa mèm mwin lé d'bout.

La mèr mon bout la tèr

Mon golèt sa mon tout

Mon kanot, mon zézèr !

Texte de Marie Gilberte ROUGEMONT, dit par Jacques ANNETTE