Retrouvez chaque samedi, un fonkézèr de l'île des poètes.
•
ROOTS LÈSPRI
Katpat atèr su inn rosh kap la rivièr
lèspri i suiv le mouv lo klèr.
Delo i bouy dann basin Binjoin
lonm la lumièr la briz i vane inn ti srin.
Katpat atèr su inn rosh kap la rivièr
lèspri i boir le féklèr
karès tout sa'k néna isi anba
anlèr su la otër nuaj la poz son dra
katpat atèr su inn rosh kap la rivièr.
Akoz mi giny pu viv
parèy bann monn i suiv
les grands préceptes les p'tites bassesses
dont j'éxècre l'ivresse ?
Akoz mon lèspri la trap o vol
plus k'inn tit lèz konsians kréol ?
Elle mélange tant d'influences
dans l'échaveau de son essence.
Lu glis an misouk dann forédboidkoulër
anlèr la plui i grène su la otër.
Là sous les fougères arborescentes
une brume plane évanescente.
Lu bouj lu sot lu dans partou
dousman dousman mi rod le gou
pour marcher tranquillement
avec le nez au vent.
Souvan défoi le kor i done
lam i plër pa le kër i sone
l'esprit est libre
alors tout vibre.
Dann karodboi lèspri la souk mon fonnkër
gatur mon doulër fé lèv mon lardër
sur ce rythme de la terre de la mer
perpétuellement éphémère.
Bizar la manièr le bann zafèr i vir
komkesi i dévir i shavir.
Le sens perd l'essence du sens
dans le trop plein des connaissances.
Lèspri la mayé ti bout ti bout
rëzman dë troi gazé i vèy i akout
ils gardent l'esprit spontanément frais
clair innocent d'un premier mai.
Pa plu loin'k la minm jus atèr là
lèspri i alonj dann lodër jamroza
il est sous la pierre sous la brindille
sous l'insecte et le ver qui frétille.
Partou i ranp i marsh i kour i naj i vol i grouy
atèr là na poin tro'd la magouy
les transactions sont instinctives
les décisions sont décisives.
Lèspri lé parèy in lièv malin
fo ou lé bon pou souk alu desu l'shemin
il affectionne les sentes abritées
les gîtes rapides les ruses épicées.
Sitanté'k na ankor d'monn su la tèr
kapab koz an lang lèspri Gran Mistèr
dans les sous-bois et les forêts pluviales
au coeur des océans sur des îles tropicales
sé'k lèspri i viv i digdig ankor
isi anba dann Péi la Vi la Mor
pour nous-même pour tout un chacun
désireux d'entendre sa raison désireux d'entendre son dessein...
Katpat atèr su inn rosh kap la rivièr
lèspri i done son koudzéklèr
delo i dsann vitman dann son moulur
dousman dousman lu krëz le dur.
Katpat atèr su inn rosh kap la rivièr
lèspri i rouv mon kalbas an fèr
blan noir jone rouj vèr blë sa i kont pa poudvré
romans la Vi kadans la Mor joué zot malogé
katpat atèr su inn rosh kap la rivièr.
In bonpë i vë pa akoz lé pa granshoz
zot lé la rien'k pou mèt la poz
et graver fièrement leurs noms
sur les trottoirs et les frontons.
Soman lèspri i shap le sistèm le bann plan gouvèrnman
lu lé dann la lune dann solèye dann zétoil dann nuaj dann van.
Il est en mer il est sur terre dans les déserts dans les forêts
où au détour du sentier se tient ce qui est.
/outremer/2022/08/21/63023ca863854_6106a8993be9d-0487622001609139368-1-1739261.webp)
/outremer/2024/07/17/lunettes-6697b9f12e60b830573469.jpg)
/outremer/2024/07/17/sans-titre-6697ac8a70b66388312288.jpg)
