•
ROZALI
Monmon aswar
Sa pa nout dérnyé bouyon
Kamyon toupi va rèt larg béton
Dési nout la tér Larényon
Papa alon fé kwi fouyapin
Plantér la rès la minm pyos pik dann la min
Po nout zoli drapo péi domin
Manyok zavarouz zavablan
I kwi an krinm po gouté
Mayi dori la dann la vann
Alala nout libérté
Nout siro faam tizann lorkidé
Tiplan ou la semé
Tard pa fine gran
Sa rasine zarboutan
Nout nasyon fèy sonz po toultan
La rozé tonbé wayo
La rozé tonbé waya
Dési kourone an flér i sa pété
Kantité kalité pyédbwa néna
I donn manzé
Non non sa la pa bon
Vodamyé nou sa la boutik
Asèt lo bann frwi la Répiblik
Na plis lo gou mi di avou
Alon manz prodwi silfaté
Riskab la maladi va rony anou
Nout pyédbwa i sabouk pa nou
I donn
Panga nou koup nou as
Kosa nou sa diné banna
Kwé nout marmay i sa nanmé
Kosa ti baba i sa tété
Olér bèk innélot
Vodamyé manz podvré
Lo vré goupéi
Lo vré goutanou
Pyédbwa oulé lo Rwa
Nout monmon la foré
Po marmay réspiré
Alon pa rod lwin
Lé dann nout min
Anou minm i fé pous manzé
Anou minm i yinm anou
Anou minm nout zarlor
Aroz ali
Riskab li va roz aou
Mari Sizay
accompagnée au piano par Fabio Marouvin
/outremer/2024/11/22/cas13-1797-frame-67-674098913c602468864449.jpg)
/outremer/2024/11/22/clip0094-frame-19-6740837e72f66032798172.jpg)
/outremer/2024/11/22/2411211955-sobatkoz-frame-7961-674087f537221556549244.png)
