FONNKÈR : "Chakinn son gayar" de Bernadette

fonnker
Bernadette Pluie

CHAKINN SON GAYAR !!!

Ou néna in loto, sa lé gadiamb
ou regard la mienn, ou ve le mèm
la vot  osi lé dos kan moter y flanm,
Di amwin poukoué la mienn même ou ve
Aou osi na out gayar, met en li en ler ! (x2)
Magasin lé plin loto, tout kalité
ramasse l'arzen la, ti pé, ti pé
Aou osi ou nora la vot,en pli zoli
Ti pé ti pé, loizo fé son nid.

Lot y fé le sport, li entrène dir
li ser son sintir pou asté fournitir
En plis ke sa,li lé plito en bonne santé,
li décroche in médaille, la ou lé bandé
Aou osi na out gayar, met a li en ler !
Met aou au sport, alé cour in pé
Done digaz, kem ou sra fatigué
Au bou di komte, sé ou sra ganyan
Dobout droit pou alé en avan.

 Zenfan intel y shante in peu, y joue piker
li eme la vie, li eme la joie
ou envi a li, mi konpran pa
li ve vive en liberté, selon son ker
Aou osi na out gayar, met a li en ler !
Ou vé chanté ? joué la misik ?
tout i appren', met in koté la parès
lo kor i dsend' mé l'âme rest en nik.
Oubli pas,Ou sa na lo ker, na lo vré richès

Ou gany pas lire, ou la pas parti lwin lékol
Rès la kaz, sony ti ser, ti frèr, sinon sa poz la col
Pou sa zordi ou san aou rejeté
Ti lamp, ti lamp, riskab ou glis dann malizé
Aou osi na out gayar, met a li en ler !
Zansien y di, pas in diplom y fé in  bon moun
Ou koné in takon d'zafer, transmet pou la zenès
Ou koné sékré y guéri, sékré zerbaz
Partaz la konésans, sa va enmièl out lam.

Aou osi  alé rod la klerté
Sak y fé krwar aou oulé pas kapab
 kan mèm ou lé konm in ti grin d'sab
Ou néna en ou, in bel zékli domounité
Aou osi na out gayar, met ali en ler ! (x2)
Out bann marmay y rogard aou
Zot y pran lexamp dési ou                      
Rouv in shomin pou zot suiv
Donn a zot bann zoli valèr pou zot viv.

Aou osi na out gayar, sa lé sir
met a li en ler, ou sra si tan fier
vive pas la vie do moun, konm dann télé
apren vive out vi, out bann rèv a ou
Aou osi na out gayar, met ali en ler !
Soleil y bryi pou ou, pou mwin
Gran moun lao y donn lo gayar a ou, amwin             
Trap la vi, sa zarlor ! arêt rale lo ker
 zordi lé ler pou met ton gayar dann fé kler !( Bis)