publicité

FONNKER : "Fanm Rényoné" de Mariline Dijoux

  • Réunion la 1ère
  • Publié le

FANM RENYONE

Fanm Fanm O Fanm
Mwin lé fiér èt in Fanm Rényoné
Mwin lé fiér mon kalité
Fanm Fanm O Fanm
Si nou vé in zour l'ér ( lo tan ) va arivé
Bordaz in vré Péi nou va kosté !

Fanm Rényoné
Nou lé konm mil ti sours sou la tér
Anfin la trouv lo li in gran riviér
Pou armonté, pou koulé bor-an-bor
Kolonizasion, lésklavaz-démounaz la mor
Sa zanpone nout pasé
Kanminm la vi 100 mil fwa nou fine doné !

Fanm Fanm O fanm
Mwin lé fiér èt in Fanm Rényoné
Mwin lé fiér mon kalité
Fanm O Fanm
Si nou vé in zour l'ér ( lo tan ) va arivé
Bordaz in vré Péi nou va kosté.

E dopi kavern bann Maronér,
E dopi la kaz bann ti plantér
Ziska bidonvil sidr fronn-mér
Nou la sér finfon nout mémwar
Tout kalité soufrans,
Tout kalité souvnans,
Tout kalité bonér osi !

Fanm Fanm O fanm
Mwin lé fiér èt in Fanm Rényoné
Mwin lé fier mon kalité
Fanm Fanm O Fanm
Si nou vé in zour l'ér ( lo tan ) va arivé
Bordaz in vré Péi nou va kosté

E parèy la Tér i nouri nout rasine
E parèy in lame-d-fon dosi in mér trankil
Nout l'ame Fanm Rényoné
Va désot bariér koray nout konsians
Bordaz in vré Péi nou va kosté...

Fanm Fanm O Fanm
Mwin lé fiér èt in Fanm Rényoné
Mwin lé fiér mon kalité
Fanm Fanm O Fanm
Si nou vé in zour l'ér ( lo tan ) va arivé
Bordaz i vré Péi nou va kosté !
 
Fanm Rényoné
Nou lé konm mil ti sours sou la tér
Anfin la trouv lo li in gran riviér
Pou armonté, pou koulé bor-an-bor
Kolonizasion, lésklavaz-démounaz la mor
Sa zanpone nout pasé
Kanminm la vi 100 mil fwa nou fine doné !

Fanm nou lé konm mil sours,
Nou lé konm mil ti sours
Nou lé konm mil ti sours
Nou lé konm mil ti sours !

 

Sur le même thème

L'actualité la 1ère partout et à tout moment
Téléchargez l'application La 1ère
  • AppStore
  • Google Play