Retrouvez chaque samedi, un fonkézèr de l'île des poètes.
•
KRÉZ
Ousa i lé la frans nout momon patri
Kan li rash nout zenfan Li diviz nout famy
dèrasin nou marmay po la kréz repeplè
nout pié mang va pouss drwat Dan karo péplié
-"Wi mé koman Na fè Lesclavaz la fini na pi dzistifikasyon"
-"Trap a zot Kan mém, Na kri a zot pupi la nation
Li zou Dan son kartié
Koté d’li son zazakel
Li pous la rou ek dè bwa goyavié
Kan Un ti katrél blè i bord jis koté bértèl
Na dnu rod aou rant dann loto
out vi la pu térla
Ambrass papa momon pran in palto
La fré i kok parba
A la Li la dan fwayé la kréz : guèret
Dann fwayé la Ii koz ankor kréol, zot lé in dé
Byinto 16 byinto 32
Pi 2230 ziskan 82
Li wa son ban Kamarad alé,
Inpé ek d'boulanzé
Dot ek d'zouvrié
La sans ti poul la pa sa ti kanar
Rezman Na un pé sra émé
Na un pé Va sort dann fénoir
Mé po lu plu tar lu va mazin son zansét
Asté dann pondycheri po grat la tér la rényon
Ek Li Kel diférans né Na dann fon
Li lév 7 zour si 7, 5 hér dè matin po sogn béf san sarét
Po grat un tér ta pa Li
Et sirtou grat droit San koi i tap à Li
Ziska lér Na in dé là pokor artourné
La rash marmay Dan bra son momon
Ziska lér Na in dé lé dann malizé,
La kréz Dan la kréz un trou po baba la rényon
Dan laz ou tout marmay aprè lekol sa zoué balon
Li la pokor fini grat la tér son ti kolon
Koman i dvien in bonom kan ou Na poin d’pasé
i fè kui lamour kan ou la zamé gouté
/outremer/2022/08/21/63023ca863854_6106a8993be9d-0487622001609139368-1-1739261.webp)
/outremer/2024/07/17/lunettes-6697b9f12e60b830573469.jpg)
/outremer/2024/07/17/sans-titre-6697ac8a70b66388312288.jpg)
