FONNKÈR : "Lé lèr mon sèr" de Josiane Bassonville

Retrouvez chaque samedi, un fonkézèr de l'île des poètes.
Réunion la 1ère •
LÉ LÈR, MON SÈR

I fo nou pran konsians
Lé lèr fo nou na konfians
Lé lèr mon sèr, pou nou kri nou fanmté
Dépess' a nou lé lèr

Lé lèr pou nou ralime nout l’ame
Lé lèr mon sèr pou rouv nout kèr
Pou enlève lo gou la pèr

Dépess' a nou lé lèr
Lèr pou arèt la soufrans, alé ver lespérans
Lèr pou larg balo la vi pou rouv nout lespri
Oui lé lèr

Lèr pou nou dirize nout vi
Dépess' a nou mon sèr
Lé lèr pou sorte dan lopresyion, sorte dan la soumisyion
Lé lèr pou fé sorte la rankèr avan i manze nout kèr
Lèr pou mont nout fors pou arèt tout’ sorte violans
Lèr pou less in plass pou le bonèr…
Dépess' a nou lé lèr … Mon sèr… lé lèr !!!
                      Fonnker pou tout nout bann sèr !!!
 
À la une
Voir plus d'info
Thématiques associées