Retrouvez chaque samedi, un fonkézèr de l'île des poètes.
•
MAY MAY
Dan fon mon ker n'a in ti zanfan i kri
Pars li kompran pi an lespas 20 tan kossa la fè sam son péi
Avant kan mi té ti baba po mont dan lé o falé 4x4
Biynto tard pa la SIDR va konstrui juska mafat
Mi pé pa kroir domin mon zenfan sra « gétoisé »
Mi pé pa mazin la réynion dan béton armé
Mé kreol pran kouraz donn la min po débouté
Laisse pa zanprofitér désid po toué,
Me kossa nou vé laiss domin po nout ban marmay?
Un volay de lo, un forêt brilé, ek « supermarché » an pagay
Mi vé byen sey maziné la réynion domin
Me a kondition « Babylone » i plis pa tro nout rin
May may dann mon fondkér mon vi na tout kouler
May dann maloya Son pyé bwa n'a bonpé brans
De lo zansét si ton po i koul An rovans
Kan dan Kabar un roulér fait frisone ton kér
May May mon nasyon amont azot fin arrive lér
May dann liberté i van pa nout kér en trans
Kontinué fé lamontrér arét fé la mans
Kan nout liver i rant zot migé i pét en flér
Ou sra dann mon ker jusko jour ma saviré
mon pétrol , mon ti fanal Kan la nui tombé
Mon ti pétrol Mon kalité mon zarboutan
Ou sra dann mon po mon bouké flér mon pétrol
Ou sra dann mon tét même les jours mi sra mol
Ou le mon fonnkér mon « beaudlaire » mon « ziskakan »
Mi le fiér mon nasyon , kank li amont la liberté
Kank li debout malgré son gony vid,
Kank dann son ker tout nasyon lé fiansé
Kank malgré son pasé la soufrans i ress solid
Amont a mwin ankor ton lodér maloya
Karés ankor mon kér Sam ton joli piébwa
Fé akout a mwin ankor ton kozé parabolé
Pars Zordi mi rir ankor kan mi arpans kozman Pépé
Bli pa ton pép kan va riv lér po avansé
Fè pa plonz a nou tro vit dan « mondialisation »
Nout pasé le tro frél po pas dann mazinasyon
Mi voudré mon marmay i koné ankor lo gou in risofé
/outremer/2022/08/21/63023ca863854_6106a8993be9d-0487622001609139368-1-1739261.webp)
/outremer/2024/07/17/lunettes-6697b9f12e60b830573469.jpg)
/outremer/2024/07/17/sans-titre-6697ac8a70b66388312288.jpg)
