FONNKÈR : "Mon kozé" de Danièle Moussa

Retrouvez chaque samedi, un fonkézèr de l'île des poètes.
Réunion la 1ère •

MON KOZÉ

Nana i di mon kozé
Ti santié malizé
Dann gran shemin fransé.

Nana i kroi mon kozé
In patoi malparlé
Ek bann mo rapiésé

Nana i kalkil mon kozé
Mal fagoté an kaskasé
Pa kapab témoigné.

Nana i kalbit mon kozé
Touf a li dann fénoir
Shabouk pou fé plié.

Nana  i shèrsh mon kozé
Dann gran kiltir, gran lékritir
Lintéré son prézans.

Mé mon kozé
Inn ti kozé lamour
In tradiktèr pou lo kèr
In souvnir dousamèr
In bonèr si la tèr.
Dann in passé la soufrans
Li mark mon légzistans
Dann in zordi minm resanblans
Li sign mon diférans.
 
À la une
Voir plus d'info
Thématiques associées