FONNKÈR : "Pokpok" de Danyel Waro

Retrouvez chaque samedi, un fonkézèr de l'île des poètes.
Réunion la 1ère •
POKPOK

Out po pokpok
po dépwak mon bann pok
lwil so la vi domin
po démaliz lo rin
mon bann akozpokwé

Out zyé zizim
po zinzanm an zinnzan
flèsman mon kor vyémoun
po délaryaz lo frin
tout mon bann somanké

Out lèv an zévi vèr
po véloum an véli
lèrk mon lang i anmar
po démargony fénwar
tout mon bann maziné

Monmzèl mwin la bézwin di aou
mi vé pa rèt atèr
ma prétan pa gèt dann trou
dann out baro domi rouvèr
kit ma glis in fonnkèr

zis
in ti briz dé kèr
kinm
sépa
sof
kansréti
mi koné pa
kiswa
ousansa
sépétadyé
nalaplas
talèr
kiswa
in ti myèt
in ti zik
po mwin rant dann out kour
in ti mizing filas lamour
 
À la une
Voir plus d'info
Thématiques associées