Retrouvez chaque samedi, un fonkézèr de l'île des poètes.
•
ZOT LA FÉ
Ou wa (la) di kraz kas pa in ker in mal kozé (malkozé) i dsann, fann lo tron in pyé d'zonm
Kashèt déryèr shaplé, gro kabaré, pa tout prèt sé d'bon moun
Tap pa fanm, minm ék in fler kapusine ou sra in bononm
Lo sab ryink po kann ,ti shabouk ,kri pa sé akoz lo ronm
San vangaz koman ou konèt si kanot i giny pa fani kont kouran
Rouv kanèt karkiy gran rouvèr ,tir la tét sou kouvèrt ,la pèr i inm may ek zavan
afèr patatèr po santir la rozé, lo kèr osi i pran.
rèv pa krwar, port out krwa pli pa sou l'pwa
Zot la fé, po k'lo van i ral pa dan galé i shavir pa mon bato
zot la fé, tanpèr mon galo, dou moka, wo galo
kwé lila di kwé li la fé kwé li la di la pa ladilafé
sak li la di sé sak li la fé, kwé li la di lapa ladilafé
Dann bal lontan té fé lèv la pousyèr zènzan karnèr pa la ter té sali
dann ronm na toupé, na mové manir, ou ve anpar kalot rod pokwé ou wa (la) ginyé
riskab in ronn i tourn an karousel, la raj in swar sé d'rogré dan rouli
in fonnkolé kap tir in kolèr, maldétèt i pas kan na pi maloki
Lèv pokor féklèr pin sek sou d'lo
in lèz kann ek in kar lèv tèt
in ver la mizèr bertel dsu l'do
in pwa dsi l'ker met si sharèt'
do kasé, dan karo trakasé, pa largé
po marmay shakin in golèt' san galé
Zot la fé, po k'lo van i ral pa dan galé i shavir pa mon bato
zot la fé, tanpèr mon galo, dou moka, wo galo
/outremer/2024/12/25/or-676bb84e0dd32882933306.jpg)
/outremer/2024/12/27/img-8508-676e5d53d8ec9170631857.jpg)
/outremer/2024/12/27/tortues-676e4a765cbd9093251196.jpg)
