FONNKÈR : "Alon di partou" de Tigrind' sel

Réunion la 1ère •
ALON DI PARTOU

Alon di partou
Nout tout alon di partou
Nout lang kozé sa  lé béni
Sa in digdig lo van, in srin’ la pli
Sa mèm nout gayar, nout véli

Alon di partou
Nout tout alon di partou
Sakinn y koné son boubou
Mé la pa po sa fo mars aznou
Fé woar nou osi nou niabou

Alon di partou
Nout tout alon di partou
Y di la lang na poin lo zo
Po kosa nou la pèr y trang a nou
Larg nout romans, nout ti mo dou

Kozman y atann dési mon lang
Lo mo i ziguil mon gozié en vavang
Li vé sort déor, kour sou la varang
Po may sanm lodèr zinzanm mang
Lès, lés a li. La fin’ mir lé pi tann.
 
À la une
Voir plus d'info
Thématiques associées