réunion
info locale

FONNKÈR : "Dann zistwar la mémwar" de Noëline Férard

Fonnker
Noëline Férard
DANN ZISTWAR LA MÉMWAR

Dann zistwar la mémwar
A ter là péy mon lombri
Tanbour i sonn si Zanprint mon pasé
A ter là mèm kaparer an saler
Vap si vap 
Kousiak kousiak i fann i ass
Koud masiak
Dinité amaré maroné
Boukanaz oulpati, angazé
Fénwar Lazaré
Gomaz rolizion Afrikanité
Po in katholisité sanban liberté
Mwin lavé déza in bon dié

Dann zistwar la mémwar
Ater là péy mon lombri
Kamayan i tir dan la guel ganblo
Karanbolaz masikroké lo mo
Dan lo zi sabouk in nom
Mwin lavé déza in nom

Fok mi sava trap son lam fann fané
Po mwin kapab konèt kissa mi lé
O !dosi mon ker ma less a li planté
In karo valer po ar trouv mon santyé

Tout racinn ansamm
La fé pouss in pèp gadiam
Dann san maloya
Gayard piéd bwa gayar piéd bwa rak rak
Dann fon ton gozyé
Grgouyaz losikré margoz
Avan la pa fini lé ankor là
Zordi la pokor komansé

Ayo ayo zanfan kouler limanité
Lev dobout anponÿ zistwar 
Ton nasyon ton léritaz ton traditsyon
Po guinÿ la rass po tir lo pié assisté
Dann lokisité silanss la siass
Po in rev,in boner,in zordi dann domin
Publicité