FONNKÈR : "Dofé"" de Ma'Leneya

fonnker
Ma'Leneya

DOFÉ

Tou fé tou flamb

Tousel an dam

Dofé an fé

Dofé an flam

Libril en pountiak

Li sof an krépitman

Li détrui vitman

Li vien an sann solman

Kfrine dofé an grèn sové

Sové konyé indisipliné

Kapline grand mèr

Gato dsi fé

La bèz si marmit

Si kouvert y krépite

Fé kui fé boi po résof koko

Lamour dan ti kaz an tol

Ké nave rienk babiol ki fo

Po manzé po nouri lo ker

Sof dofé in pastan ké lavé dépi tan pti

La pay sher lo pri

Dolo sho la rant dan lo kor

Lo kor an doulèr lavi zékler

Soufrans amer

In malèr la ni frapé, bondyé la pass dovan

Non,non, non, pokor ler po alé

Soley la ni ékléré

Less ti lanz grandi

Fé son lavnir

Zordi kfrine dofé lé en trin kiffé

Dan rev lékritir

Parkour té malizé

La fini par nir réalité

Ek la foi bondyé

Dan péi dofé

     Ma’ Leneya