Retrouvez chaque samedi, un fonkézèr de l'île des poètes.
•
KAF
Kèl kalité mové santiman la angant mon kèr dann lèr mwa zavan ?
Lèrk solèy fé flanm flanbwayan po fé fane son flèr koulèr d’san.
La arpinn mon syèl pok lé maf podbon kondane amwin ramas lo fèr la ramar lo pyé.
Mi ranval mon fyèl koté kaf momon la done amwin sanm in vèr do lo zot métisaz par dégré.
Kaf,
Ton do lé larz po s’ vin désanm.
Bon makro va kri tanto lo tan lontan la té tann.
Ton zordi dann pilplat, ton yèr in ta la sann.
Lav la min an pons pilat, la kri ton frèr twé minm la vann.
Po ton do lo sabouk, té kaf kann fo ti koup.
Zwé lo makout dann bal bann babakout.
Pli ba, pli kouyon, pli nwar, pli vilin.
Pli sal, pli souyon po zot ras lo shyin.
Tanpir ki pé, Tank kaf i pi.
Tandri lo pé, Tangaz oki.
Tazaz lo zyé, Gobaz mantri.
Langaz zyè blé po nouri tanbi.
Kèl Bon Dyé fo ti kri ? An kosa fo ti krwa ?
SI ton gèl na ankor lo pri, si ton do na touzour lo pwa.
Tandi lo rwa dan lé bwa mé la pa ou lavé lo rol
Kél kalité tizane zèrbaz kap sonyi ton gal la gol
Lav ton zordi dann do lo lo bin yèr.
Armanz ton vomi sanm la bav dan ton vèr.
Fine pèrd lo lanvi. Fatigè aspèr.
Kit mon modékri kri lo mo ton kèr.
Fé lèr fo war mounwar ant fé klèr fénwar.
Gob koulèv dann liv po myé lav ton zistwar.
Ton plas oukilé forstan dékilé.
Viv parké si koté fé lo ta sanm ta la salté.
La di rèt konm fèy sonz lèrk i di ou tonm fami sinz.
Lès la plaz pok zot i bronz kas ton rin nètway zot linz.
Sé dmandé si tèrla na la plas po twé viv.
Ziskakèl èr sanm la pousyèr fok ti galiz.
Ton koulèr i tinn ton sèt po i dégiz.
Dann karousèl la vi kèl koté foti asiz.
In fwa lan in fwa lan ti giny lo kèr, in fwa lan in fwa lan ti pirz ton vèr.
In fwa lan in fwa lan an kabalèr, mé soman lo lanmin ti ramas roulèr.
In fwa lan in fwa lan ou fé lo fyèr, in fwa lan ou yèm out fouti koulèr
In libèrté mantèr po in plas atèr la minm ti tasmanir pran la valèr.
Kèl kalité mové santiman la angant mon kèr dann lèr mwa zavan ?
Lèrk solèy fé flanm flanbwayan po fé fane son flèr koulèr d’san.
La arpinn mon syèl pok lé maf podbon kondane amwin ramas lo fèr la ramar lo pyé.
Mi ranval mon fyèl koté kaf momon la done amwin sanm in vèr do lo zot métisaz par dégré.
Kaf,
Ton do lé larz po s’ vin désanm.
Bon makro va kri tanto lo tan lontan la té tann.
Ton zordi dann pilplat, ton yèr in ta la sann.
Lav la min an pons pilat, la kri ton frèr twé minm la vann.
Po ton do lo sabouk, té kaf kann fo ti koup.
Zwé lo makout dann bal bann babakout.
Pli ba, pli kouyon, pli nwar, pli vilin.
Pli sal, pli souyon po zot ras lo shyin.
Tanpir ki pé, Tank kaf i pi.
Tandri lo pé, Tangaz oki.
Tazaz lo zyé, Gobaz mantri.
Langaz zyè blé po nouri tanbi.
Kèl Bon Dyé fo ti kri ? An kosa fo ti krwa ?
SI ton gèl na ankor lo pri, si ton do na touzour lo pwa.
Tandi lo rwa dan lé bwa mé la pa ou lavé lo rol
Kél kalité tizane zèrbaz kap sonyi ton gal la gol
Lav ton zordi dann do lo lo bin yèr.
Armanz ton vomi sanm la bav dan ton vèr.
Fine pèrd lo lanvi. Fatigè aspèr.
Kit mon modékri kri lo mo ton kèr.
Fé lèr fo war mounwar ant fé klèr fénwar.
Gob koulèv dann liv po myé lav ton zistwar.
Ton plas oukilé forstan dékilé.
Viv parké si koté fé lo ta sanm ta la salté.
La di rèt konm fèy sonz lèrk i di ou tonm fami sinz.
Lès la plaz pok zot i bronz kas ton rin nètway zot linz.
Sé dmandé si tèrla na la plas po twé viv.
Ziskakèl èr sanm la pousyèr fok ti galiz.
Ton koulèr i tinn ton sèt po i dégiz.
Dann karousèl la vi kèl koté foti asiz.
In fwa lan in fwa lan ti giny lo kèr, in fwa lan in fwa lan ti pirz ton vèr.
In fwa lan in fwa lan an kabalèr, mé soman lo lanmin ti ramas roulèr.
In fwa lan in fwa lan ou fé lo fyèr, in fwa lan ou yèm out fouti koulèr
In libèrté mantèr po in plas atèr la minm ti tasmanir pran la valèr.
/outremer/2022/01/01/61d05853c5946_0217580001614251730-1852383.jpg)
/outremer/2024/12/27/vs-recuperation-des-jouets-la-possession-elodie-maf-frame-152-676ed212568ad815733802.png)
/outremer/2024/12/27/img-20241227-wa0014-1-676ea568df592560573500.jpg)
