•
KORONAVIRIS
Eh bin korona, nou wa pa ou pourtan nou la pou lut’ ek ou. Dann lo mond’ antyé ou la pou fé déga. Dopi de trwa mwa, ou donn a nou bon pé traka Dann zaktialité , radio, télé, internet ou mêm lo rwa.
Si tout’ bann lèv, in sel mo, korona. Cé ou y rédiz nout lazinda. Ou la komans laba dann peï sinoi, zordi dannn tout’ lerop, ou impoz out lwa.
Nou lé en guer saniter dann lo mond’ antyé. Nou la pwin le chwa rès nout kaz konfiné, aplik bann mézir lé impozé sinon nou lé kontrolé, nou lé verbalizé. E dayer nou na intéré, si nou vé pa èd a ou progrécé.
An tou ka, kan ou lé né, nou té lwin maziné ke vitman kom sa, ou té sava propazé. mêm dan nout ti paradi zordi ou la fine débarké, ou la pou ataké. Nou ki krwayé nou té lwin nou té protézé.
Zordi, nou lé byin oblizé afront’ la réalité. Ou sèm la panik dan nout foyé. Ou lé la koté nou, mé nou wa pa ou, koman ou vé nou lé pa stressé?
Ou soizi bann pli frazil pou ataké, ou tom si zot, ou kontamin a zot, ou tyé a zot. Mé zot lé san défans, koman ou vé zot y réazi ? ziskakan si la ter, ou na lintansyon fé pti?
Dé fwa mi pans marmay, é si pou nou, lo tan lété a la réflexion ? Si cété in lalerte pou réponn nout bann zitérogasyon ? Si cété in moyen pou antrèn a nou a la konversyon? Si cété in sandèl pou ramèn a nou à la rézon?
Ou alor, tou simpléman, in lokasyion pou fé komprann a nou ke nou dwa élimin lo superficiel, pou komans aprann viv solman ek lésanciel. Parske kan in viris y atak la, li soizi pa li, kelkeswa ris, pov, blan, nwar, tout’ y sa va.
Donk, fas’ bann kosékans la, alon essay fé in pé prev lintélizans, alon essay.friktifié in pé nout fwa. Alon essay fé prèv kouraz, bés pa lo brwa . Alon aplik bann mézir la a la lèt, bann règ sékirité la, aplik a zot a la lèt kom sa nou protèz myé nout santé.
Mé sirtou, allon fé prèv limilité, parské zordi nou lé protézé mé nou koné pa de kwa domin lé fé.
Mépriz pa bann domounn lé kontaminé, parske na in patwa y di, demin i pé retomm si nout bout d’né
O kontrer, alon èd a zot, alon soutyin a zot, alon pri pou zot santé.
A zot marmay mi esper zot y gard’ zaktialité, mi esper zot lé koncian la gravité, alor brav’ pa danzé lé ga, res zot kaz, zot sra mié protézé.
/outremer/2024/08/16/img-0824-720-66bee3b253c2e573830139.jpg)
/outremer/2024/02/04/tribunal-de-saint-pierre-65bf7da6acc12634707726.jpg)
/outremer/2024/08/16/rentree-2024-930-620-66bf428e5b320208659018.png)
