FONNKÈR : "Pilpilé" de Mari Sizay

fonnker
Mari Sizay

PILPILÉ

Lorsque tu as peur

Emporte la dans ta danse,

Dépose sa robe de soie

Ses voiles de brillance.

Il n'y a pas de déroute à l'heure de la tisane

Écoute,

Les pleurs d'or des feuilles qui fanent

Elles racontent les histoires de Sudel Fuma

Dans le noble moringa.

Kan nana traka 

Aminn ali Zava

Dépoz son rob tafta 

Son twal pérkal 

Dann fon anbalaba 

Z’«îles Andaman» 

Sanm zistwar Sudèl Fuma 

Na pwin batay

Dann lér lor sizér tizann

Na vyévyé méday 

An lodér féy moringa 

La bous la tér lé gran rouvér

 Po manz nout mizér 

Sa in kanal 

I anval nout makral

Nout Granmérkal 

Tout sat i may

Lo san i kay 

Pa bézwin mèt aznou

 Pil avou 

Tir out soulyé

Gonm out pyé    

Fout out pat déor 

Out pat atér 

Oté lès toutout voltizé 

Lès maron sapé 

Voulvoul volvolé 

"Anchaing" désinn Éva 

Fé la bou lès pa banna pinn aou 

Koloy fimyé 

Dam out déstiné 

Fé klat la tér la 

Tay out lonér dann mandala 

Trap lankostik pas patin 

Bros koko Bouda tér la 

Zanfan la Krèz nout somin

Zanfan la glèz po domin 

Antér out foutor

Tir lo sor dann kor 

Détér out zarlor 

Fé arlèv lo mor

Pil aou ankor

Pil avou pli for