FONNKÈR : "Pyéd bwa i plèr" de Gilberte Rougemont

fonnker
Gilberte

PYÉD BWA I PLÈR

Si pou tout’ frui nana

Tout i san pi la fin  

 Si asize sou piéd’bwa

i di pi nou rien

 SI la pli i  pé dansé

Dan’ fèy pié  zavoca

 et  la brise i pé chanté

nou la pa la èk sa

si dan le fon nout kèr

i rès rienk’ la plase

pou tou sak i fé pèr

sak i briz sak i kase

alor koman ou vé

marmay nora le gou

dit par l’auteure

mète la min pou swanyé

sak i pouse koté nou

 koki sra in piéd’bwa ?

zalimèt pou craké ?

in fé i éclèr pa

i fé jus la  la fimé ?

kan in’ branch’ la pouse torte

i guinlle pi ardressé

c’ ta nou de’rouv la porte

su sak i fo changé

kan le moune et la terre

 va arkomanse kozé

la, marmaye va lève en frèr

su  sak nou la semé

de Marie Gilberte ROUGEMONT