FONNKÈR : "SAK Sakalava ou byen zistwar goni vid i tyenbo pa doboute" de Kaloune

SAK SAKALAVA OU BYEN ZISTWAR GONI VID I TYENBO PA DOBOUTE

In pép sakalava la pou mange kassava dann marmit' rouyé
Marmit' soud'fé dann' la kour
Dofé, dofé kafrine dofé..
Inn Ti princess sakalava , ti guérié Douloungué la
largu' son sagaye pou rod lamour dann'marmit' rouyé
mouramour,mouramour,
mouramour dann' fon la kour
 
Ti guérié Douloungué la larg son goyave dann fond la kour,
la plant in ravaz pou in ot bardzour
Samm princess sakalava
Pép sakalava ek tou't son bann zaza
Mé sinonsa in pep sakalava i mang kassava dann marmit' rouyé
Komm di momon , cinkant an dann péi Bourbon mange enkor maniok ek la po pép sakalava la gaine galo!
 
Kel roi, kel rén' i abit' la zak
Ti dernié i batay pou alé la fak
Kafrine Sakalava lé pa tamann
inn ti larmé rienk famm , inn ti larmé zanfan tann'
Mé sa in pép sakalava la po mange kassava dann marmit rouyé
Famm la pa tamann , zanfan tann'
Douloungué, bésé, pou alé travay,
Douloungué,plimé son sagaï,
Douloungué, plimé en BOU Ca NAZZZZZZ
L'embouteyaz, in fionage
ek lendemain
La route tamarin in fo trin,
Akoz, in pèp sakalava
la pou mange in
kassava dann in marmit'rouyé
Mouramour, mouramour..
Marmit' rouyé, le gou péi Oté!
Okilé largent l'état?
Dann lamour, dann télé,
Dann Basket nike, dann lamour
La vi dousman mé sirman.....
Alala koman in princess sakalava i fini dann kaka, i fini dann lamour
Mouramour, mouramour, mouramour, mouramour, mouramour, mon amour::::
Ti princess la i rèv i shant
« E mwin ma grandi tou sél ek mon momon in famm gran guél, é moin ma grandi tou sél, ek mon momon in famm gran guél »
A Koz Guérié Douloungué la parti la chasss
Famm
Mé princesse sakalava kan mém sa inn ti famm gadiamb
Mé ti princesse sakalava ... in planét, son vi, in planét
Soléy la nuite, ou byen la nuit lo jour , vybrasyon kann dann la nège, vibrasyon lo son lo van, dann kann la nég....
krwa pa la tér lé in ot, in sél mém tér si nout pié,
La Linn
Soléy,
La tér,
Nout Tét ,
pétét
Mouramour Mouramour, mouramour.mon amour
La vi in manési.. in manési kalkilé..