réunion
info locale

FONNKÈR : "Si apré lé pi pareye oté ?" de Jocelyn Gauvin

fonnker
Jocelyn Gauvin
SI APRÉ LÉ PI PAREYE OTÉ ?

Apré, lé pi pareye ?
Non !
."Apré "
Ou va voir dann la foré,
Bann zoli fler va pousé,
Bann zwazo va gazouyé,
Tout bann sours ké lé déséshé,
Ben, delo va koulé
Ou va boir  é ou sra pa rasazié.
Ek lalimier Bondié ôté !
Ou va voir lavi in not manier,
Lavi sra pli zoli.
Dann out ker lamour va refléri,
Dann fénoir ou va voir lalimier,
li va kler out semin
ek semin nout bann frère.
Sak le ker  lé kom galé,
Ben Va ni tann kom larozé.
Sak la min léfermé,
Ben Li  va gaye partazé.
Ben Sa mem nout prière,
Sa mem nout demin.
Bondié aou mem nout prézan, a ou mem nout demin.
Donn à nou la main é
Rest ek nou toultan
pou nou marsh ek ou dann bon semin.