Retrouvez chaque samedi, un fonkézèr de l'île des poètes.
•
VIN DÉSANM
Mon léspri an malsoufrans
Kan dann shak vin désanm
Listwar mon pèp mi ropans
Mon san tin san anshéné
Konm zanimo mwin té tranm
Démounizé mwin lété
Krazé mon Limanité
Konÿé mon Lidantité
Oubliyé kisa Mi lé
Dann mon lafrikanité
Antassé dann kal baro
Mwin la ni Réyoné
Koméla mon san mélangé
Rann amwin an paké pli for
Pou kri mi vé pa oubliyé
La shèn lesklavaz kasé
Mwin pa plis an délivrans
Kan an perfizyon mi lé
La shèn lesklavaz kasé
Mwin pa plis an délivrans
Dann mon péi an violans
Mon léspri an malsoufrans
Kan dann shak vin désanm
Lespwar mon péi mi pans
/outremer/2024/10/19/img-0428-671395de7f9e9500321139.jpg)
/outremer/2024/10/19/cu5a6739-671356f9c203a859171211.jpg)
/outremer/2024/10/19/2024-10-19-wf-arrivee-s-grand-raid-frame-41751-671375b8b7c6c543503765.jpg)
