Tètèch, Gol bati ké so kanmza, Gol konvwè, Nènè batenm, ròb maryé, masò zébédé … tanlontan, tradisyon Lagwiyann té gen oun bon séri diféran lenj oun fanm té vé poté silon sa i té gen pou i fè.
Tousa ka bay oun bèl ekspozisyon asosiyasyon Kopena ka tiré dèrò tanzantan pou moun vé wè.
" Nou listwè ka koumansé ké Nèg Maron-yan ki moun-yan pa savé ki yé té ka fè yé pròp lenj, yé pròp tenu. Yé té ka kiltivé yé koton ké filé yé koton donk forséman, yé té ka fè yé kanmza. Donk fanm-an té ka poté kanmza é sé nonm-yan té ka poté yé kalenmbé. E donk to ka wè ki de tanzantan yé té pé ké roukou mété oun ti koulèr andan yé tenu (Nèg Maron-yan té ka fè fil rouj osi). Konvwè, i trè entérésan pas i ka montré génie de recyclage di nou zansèt ki té ka resiklé tisu. A oun Gol konvwè ki moun-yan té ka plis poté pou fè des travaux de transformation agricole, par exemple fè kwak, par exemple fè lwil. "
Tout bagaj toupiti, fo pran tan gadé, aprésyé travay espésyalis Lagwiyann-yan.
" Nou ka travay ké tout kominoté donk nou gen artizan Bushi Nenge ki fè des ouvrages en bois, nou gen nou frè Amérindiens ki fè tousa ki sa vannerie, vannerie en miniature, ti koulèv-ya é nou gen oun òt artizan spécialisé en miniature ki en Guyane é ki fè des outils vrèman miniature ké ti platin kwak-a ki fèt en miniature. Donk objektif pou nou a prézanté, objektif pou nou ében si moun-yan lé fè oun ekspo oubyen lé lwé oun dékòr, ében nou pé mennen dékòr-a épi fè oun pédagoji asou sa. "
Asosiyasyon Kopena ké Yanadolls, a roun annan diféran estand koté zòt pouvé fè zòt wéy ké zòt portmonnen plézi jouk sanmdi laplas zanmandyé Kayenn.
/outremer/2024/07/14/img-3572-66940747d2a68415257496.jpg)
/outremer/2024/07/14/blesse-par-arme-6693e37fc33f4262909935.jpg)
/outremer/2024/07/14/5917fafb-82fe-40ba-b2ea-f3f66c25c37c-6693acf3d235a223098187.jpg)
